ވޮޝިންގްޓަން ޑީސީ، – ސީޑީސީގެ ވެކްސިން ސިޔާސަތަށް ބޮޑެތި ބަދަލުތަކެއް ގެންނާނެ ކަމަށް އިއްޔެ ދެއްވި އިންޓަވިއުއެއްގައި އެމެރިކާގެ ސިއްހަތާއި ބެހޭ ވަޒީރު އާރްއެފްކޭ ޖޫނިއަރ ވިދާޅުވީ “ސީޑީސީގެ ވެކްސިން ސިޔާސަތާ ގުޅޭ ހުރިހާ ކަމެއް ބަދަލުވާނެ” ކަމުގައެވެ.
އާރްއެފްކޭ ޖޫނިއަރ ވިދާޅުވި ގޮތުގައި، ކުޑަކުދިންގެ ފުރަތަމަ 6 މަސްދުވަހުގެ ތެރޭގައި ދެވޭ އެއްވެސް ވެކްސިނެއް އޯޓިޒަމްއަށް ޖެހިދާނެތޯ ދިރާސާ ކޮށްފައި ނުވާ ކަމަށާއި، ހަމައެކަނި ޓެސްޓުކުރެވިފައިވަނީ ޑީޓީޕީ ވެކްސިން ކަމަށެވެ. އަދި އެ ދިރާސާއިން ވެސް ގުޅުމެއް ފެނިފައިވާ ކަމަށް ނޭޝަނަލް އެކަޑަމީ އޮފް ސައިންސަސްއިން ބުނާ ކަމަށް ވިދާޅުވިއެވެ.
“ހަޔާތުގެ ފުރަތަމަ 6 މަސްދުވަހުގެ ތެރޭގައި ދެވޭ އެއްވެސް ވެކްސިނެއް އޯޓިޒަމްއަށް ޓެސްޓުކޮށްފައެއް ނުވޭ. ހަމައެކަނި ޓެސްޓުކޮށްފައިވަނީ ޑީޓީޕީ ވެކްސިން .އަދި އެ އެއް ދިރާސާ ކުރެވުނުއިރު، ނޭޝަނަލް އެކަޑަމީ އޮފް ސައިންސަސްގެ ބަހުން، ގުޅުމެއް ފެނިފައިވޭ. އެމީހުން އެ ދިރާސާ އުވާލީ އެއީ ސީޑީސީގެ މޮނިޓަރިންގ ނިޒާމު، ވެއާސްއަށް ބިނާކޮށް ކުރެވުނު ދިރާސާއެއް ކަމަށް ވާތީ، އަދި އެމީހުން ބުނީ އެ ނިޒާމު ރަނގަޅެއް ނޫން ކަމަށް. އެހެންވީމާ އުފެދޭ ސުވާލަކީ، ކީއްވެގެންތޯ ސީޑީސީގައި ރަނގަޅު މޮނިޓަރިންގ ނިޒާމެއް ނެތީ؟ އަޅުގަނޑުމެން ކަށަވަރުކުރާނަން އެމީހުންގެ ރަނގަޅު މޮނިޓަރިންގ ނިޒާމެއް އޮންނާނެކަން. އެމީހުން ވެކްސިންއަށް ލައިސަންސް ދިނުމުގެ ކުރިން ރައްކާތެރިކަން ޓެސްޓެއް ނުކުރޭ. އެއީ އިސްތިސްނާވެފައިވާ ހަމައެކަނި އުފެއްދުން. އެހެންވީމާ އެމީހުން ބުނަނީ، ގެއްލުމެއް ލިބިއްޖެނަމަ، ފަހުން އެކަން ރެކޯޑުކުރާނަމޭ. އެކަމަކު އެމީހުންގެ ނިޒާމުން އެކަންކަން ރެކޯޑެއް ނުކުރެވޭ. ޙަޤީޤަތުގައި، ސީޑީސީގެ އަމިއްލަ ދިރާސާއަކުން އެމީހުންގެ އަމިއްލަ ނިޒާމާ ބެހޭގޮތުން ބުނަނީ އޭގެން ރެކޯޑުކުރެވެނީ ވެކްސިންގެ ސަބަބުން ލިބޭ ގެއްލުންތަކުގެ ތެރެއިން 1 އިންސައްތައަށްވުރެ މަދު އަދަދެއް ކަމަށް. ކީއްވެގެންތޯ 39 އަހަރު ވަންދެން މިކަން އެއްވެސް މީހަކު ރަނގަޅު ނުކުރީ؟ އަޅުގަނޑުމެން މިކަން ރަނގަޅުކުރާނަން. އަޅުގަނޑުމެން އެންމެ މަތީ ފެންވަރުގެ ސައިންސް ބޭނުންކުރާނަން… އަޅުގަނޑުމެން ހުރިހާ ޑޭޓާސެޓެއް ޝާއިޢުކުރާނަން، ސީޑީސީއިން މިހާތަނަށް ނުކުރާ ކަމެއެއް. އަޅުގަނޑުމެން ހުރިހާ ދިރާސާއެއް ތަކުރާރުކުރާނަން، ސީޑީސީއިން މިހާތަނަށް ނުކުރާ ކަމެއް. އަޅުގަނޑުމެން ޕިއަރ ރިވިއު ޝާއިޢުކުރާނަން، ސީޑީސީއިން މިހާތަނަށް ނުކުރާ ކަމެއް.” އާރްއެފްކޭ ޖޫނިއަރ ވިދާޅުވިއެވެ.
ކޯވިޑްގެ ހަރުކަށި ފިޔަވަޅުތަކާ ގުޅިގެން އެތައް ބަޔަކު ދަނީ ސީޑީސީގެ ވެކްސިން ތާވަލު ބޭސްވެރިންގެ ސިނާޢަތަށް ވިކިފައިވާކަމަށް ތުހުމަތު ކުރަމުންނެވެ. އަދި ކުރިން ބޭސްވެރިކަމުގެ ސިނާޢަތަށް ކުރި އިތުބާރު އެމެރިކާގެ ޢާންމު ރައްޔިތުން ނުކުރެއެވެ. އެމެރިކާގެ ޢާންމު ރައްޔިތުން ކެނެޑީ ގެނައީ ބަދަލެއް ގެނައުމަށެވެ.
https://twitter.com/Holden_Culotta/status/1905426170071433585
